Zer da?
OasisLaba tokiko-komunitateetako garapena sustatzen duen proiektua da non komunitateko bizilagunek ideiak sortu, esperientziak partekatu eta eskuz esku elkarlanean aritzen diren, batasuna, lankidetza eta ekintzailetasuna bultzatuz.
Dinamika parte-hartzaile eta dibertigarrien bidez garatzen da, talde-kohesioa eta -konexioa sortuz eta parte-hartzaileak ekintzara pasatzeko ahaldunduz. Modu horretan, komunitatearentzako onuragarria den talde-ametsa gauzatzea sustatuko da.
Helburuak
Auzo/herrietako kohesio soziala handitzea.
Auzo/herriko garapenean bizilagunek duten parte-hartze aktiboa handiagotzea.
Onurak
Komunitateko talde-ametsaren bidez hirian esku-hartze fisikoa gauzatzeko jendartearen sentikortasuna eta mugimendua eratzea, tokiko-garapenerako prozesuan puntu hauek erakartzeko asmoz:
Bizilagunen artean kohesio soziala eta lotura komunitarioak handitzea, konfiantza- eta elkarlan-harremanak zabalduz.
Komunitatearen garapenerako prozesuetan parte-hartzen jarraitzeko ilusioa handitzea.
Komunitatearen ikusgaitasuna handitzea eta kanpora begira udalerriaren irudia hobetzea.
Bizilagunen parte-hartze diseinuaren bidez espazio publikoaren hobekuntza eta talde-erabilerarako ekipamenduen sorkuntza.
Komunitate-lidergo berrien eta gizarte-eraldaketarako eragile berrien azaleratzea.
Partaideengan gizarte-ekintzailetzarako gaitasunak, iniziatiba, arriskuak gain hartzeko ahalmenak, jakinmina, ingurua analizatzeko ahalmenak, sormena, taldean lan egiteko gaitasuna, lidergoa, enpatia, entzute-aktiboa... sustatzea.
Gipuzkoako gizarte-politikak edota lurraldeko garapen-komunitarioa aberastu ditzaketen ebidentziak sortzea.
Zeintzuk gara?
Xenki
Berho
Ingenieritza sozialean ekintzaile, Arkitekturan diplomatua bada ere berehala pasa zen Gatazken bitartekaritza nahiz kudeaketa lantzera eta Elkarlanerako espazio egokiak sortzera, Programazioa Neurolinguistikoaren bitartez psikologiaren alorrean sartu bada ere. Bost urte daramatza U-teoria, Open Space, Gobernantza soziokratikoa, Process Work eta Dragon Dreaming bezelako lehen mailako teknologia sozialak erabiltzen eta, egun, elkarlana eta bizikidetza sustatzen dituen ikastaroak eta aholkularitza zerbitzuak eskaintzen ditu.
Sara
Goyeneche
bederatzi urtez giza-eskubideak bultzatzeko xedea duten proiektu sozialak sustatzen daramatzan politologoa da, parte-hartzearen eskubidean arreta berezia jarriz. NBEtako erakundeekin, GKEkin eta instituzio publikoekin ahultasun egoeretan aurkitzen diren herrialdeen aldeko politika publikoak sustatzen esperientzia handikoa da. Brasilgo Elos Institutoaren eskutik “Armarik Gabeko Gerlarien” (GSA) nazioarteko ekintzailetza, gizarte-innobazio eta talde-lidergo programan ikasitakoa da ere (aplikazio praktikotzat Oasis Jolasa duena).
Blanca
Caballero
Ekintzaileak gizartean eragin positiboa duten proiektu sozialak sustatzen ditu. Gizarte-innobazioan zazpi urte daramatza lanean, komunitatearentzako onuragarriak diren proiektuak era parte-hartzaile eta jasangarrian koordinatu, sustatu eta gauzatu ditu, lurraldeko eragile anitzetan eraginez: enpresak, erakunde publikoak, elkarteak, herritarrak...
María
Gutiérrez
EDE Fundazioak kudeatzen duen Bolunta-ko trebakuntza foroaren arduraduna da, koordinazio lanak burutuz, metodologia berriak ikertuz, trebakuntza planak diseinatuz eta gauzatuz eta talde-dinamizazio nahiz partaidetza ikastaroak eskeiniz. 2013. urtetik honera ELOS Institutuak garatutako Oasis metodologian trebatzen ari da, Oasis Jolasa hainbatetan fazilitatu du eta Oasis Metodologian oinarritzen den Community-based Entrepreneurship Action Learning – NETWORK-en sustatzaile eta bazkide da María Gutiérrez.
Josu
Grandibal
Kiribil Sareko gizarte-sustatzailea eta erakunde honen gizarte- eta hezkuntza-ekimenen diseinu, lanketa, gauzatze eta garapen arduraduna da . Komunitate-dinamizazioa eta gizarte-partaidetza bultzatzen dituzten proiektuen erreztatzaile eta koordinatzailea. Oasis Metodologia GSA Madril-en eskutik jasotakoa, Uribarrin (Bilbo) eta Portugaleteko Merkatuan jarri du praktikan metodologia hau, #oasismerkatua.
